رسائل حب في عيد الحب

 رسائل حب في عيد الحب 

قلم / نيفين جرجس 

عيد الحب " المصري " 4 نوفمبر احنا مش محتاجين نعمل يوم لعيد الحب لان الحب مش محتاج يوم علشان نفتكره بيه الحب  لازم يكون معانا كل الايام وكل يوم بيعدي علينا لازم يكون كله حب وسعاده وود لأن بدون حب لا تكن حياة ، والحب هو اللي بيقوينا هو اللي بيخلينا نعيش أجمل اللحظات الحلوة اللي بنمر بيها في حياتنا حتى وحنا مثلاً في عز ازماتنا او مشاكلنا الحياتية العادية بالحب بينتهي كل شىء ...لان قوة الحب أكبر بكتير من اي خلاف او اى مشكلة او اي تجربة خلوا الحب دايما في حياتكم . الحب مالوش درجات غير ان الحب حب مافيش حاجة اسمها بحبه نص نص او بحاول احبه لان اللي بيحب من قلبه بجد بيظهر عليه في كل احواله .وبمناسبة عيد الحب انا هااتكلم عن نفسي ان عدى عليا 7 سنين جواز كانوا كلهم حب واحترام وتفاهم واحتواء والحمد لله ،واتمنى للجميع حياة كلها حب وسعادة وابعدوا عن اي شىء ينكد عليكم او اي حد يتدخل بينكم اي طرف مهما كان ،خلوا حياتكم انتم اللي ترسموها بنفسكم  ومعاكم ربنا في كل لحظة وانتم لوحدكم اللي تمشوها في ايدكم انتم بس تخلوا للحياة معنى بالحب.  او تفضلوا  في خناق ومشاكل مع بعض دايما في امور تافهه وكل طرف فيكم يقول كرامتي ومش هااتنازل ومش هاأبتدي انا الاول وكل واحد فيكم ينظر لنفسه يبقى مافيش حب للاسف، لان الحب تضحيه وكل واحد فيكم يسعى انه يصالح التاني حتى لو هو اللي مش  غلطان وبكدة هاتلاقوا نفسكم بتعدوا حاجات كتيرة اوي مكنتوش بتخدوا بالكم منها وهى الحب اللي بجد . والحب  مش بين الزوجين وبس لا دهه لازم الحب يمتد ليشمل الجميع الأهل والأصدقاء والجيران والعمل حب اللي بتعمله تنجح على طول وتتغلب على الصعاب بقوة الأمل والإصرار التي يحتويها هذا ا لحب وفي النهاية طالماً هناك حب لا يجد شىء اسمه مستحيل لأن الله هو الحب والله هو غير المستحيل .